【限定活動】獨木舟跳島燒烤旅程｜沙下
最低價格：$680.00
天氣開始涼涼地，係 BBQ 嘅黃金時機！全新升級嘅獨木舟跳島旅程加入咗燒烤環節，一個價錢，兩種體驗！
教練會帶你哋由沙下出發，途經羊洲、白沙洲，再到達鹽田梓，之後喺島上慢慢嘆個 BBQ。完美適合一家大細或者三五知己，齊齊享受悠閒週末。
行程亮點
- 一次過划遍西貢經典跳島路線 — 羊洲、白沙洲、鹽田梓 — 全程由合資格教練帶隊，節奏跟住大家。
- 登上鹽田梓，喺島上私人燒烤場地慢慢嘆個 BBQ。所有燒烤食品均由持牌食物製造商供應，場地亦接受攜帶外來食品。
- 鹽田梓係香港碩果僅存嘅產鹽地，鹽田修復工作更獲聯合國教科文組織頒發保育獎項。划到埋岸順便認識下小島歷史。
- 活動日前 10 天報名並付款，即享早鳥優惠每位 HK$600。
行程詳情
- 集合地點：西貢沙下（藍天體育會）
- 活動地點：西貢沙下、羊洲、白沙洲、鹽田梓
- 適合年齡：6 歲或以上（18 歲以下須由家長／監護人陪同）
- 價錢：
- 每位 HK$680（大人小朋友同價）
- 早鳥優惠：凡於活動日前 10 天報名並付款，每位 HK$600
- 自組團：6 位起歡迎自組團及自選日期，10 位起每位 HK$600
- 10 位或以上預約時會自動顯示每位 HK$600；早鳥優惠會喺我哋確認報名時為你調整
- 費用包括：器材、安全用具、導師、燒烤用具及基本燒烤套餐
- 出發日期：
- 2026 年 9 月：27 日（日）
- 2026 年 10 月：3 日（六）、17 日（六）
- 時間：10:00 – 16:00（請提早 15 分鐘到達集合地點）
行程編排
（如因天氣、潮汐或營運情況影響，活動內容可能有所調整）
- 集合：西貢沙下（藍天體育會），請於 09:45 到達
- 出發：安全簡介後 10:00 由沙下出發，途經羊洲、白沙洲
- 鹽田梓：登島，喺私人燒烤場地嘆 BBQ
- 回程：返回沙下，16:00 活動結束
實際路線同節奏會跟參加者狀態同當日天氣調整，最終以教練決定為準。燒烤地點為私人場地，參加者請遵循教練安排，禁止在非燒烤地點生火，避免對自然環境造成污染及破壞。
為何選擇藍天體育會？
- 我哋啲領隊熟西貢地理 — 潮汐時段、浪向、隱藏細灣 — 紮根西貢廿多年，帶你去到一日遊團去唔到嘅地方。
- 小組制（每團人數有限），節奏跟住大家，唔趕時間，亦唔使等其他人。
- 所有領隊均持有國際衝浪總會（ISA）資格，受過開放水域救援訓練。落雨照行，除非條件超出安全範圍先會延期。
- 每團之間都會檢查器材 — 獨木舟、槳、救生衣。
報名及付費:
- 由於課程需要安排教練，請提交申請後先不要付款，並等待我們的確認電郵及付款指示。
- 如教練能夠配合你預約的時間，你將會收到確認電郵及付款指示，請於 12 小時內付費以確認課堂。
我需要帶備什麼?
- 必須攜帶：包腳跟及包趾水上活動鞋、泳衣或泳褲、短 Tee / 防曬衣、帽、防曬霜、防水袋、更換的衣服及 750 ml 以上的飲用水。
- 另外本會建議參加者帶備太陽眼鏡（連浮水帶），並於活動前塗上防曬霜及驅蚊劑，並準備更換衣服於活動後使用。
- 請參加者抵達前先更換衣服及安置個人物品，使活動可以準時開始。
想自組團或自選日期？6 位起可以自組團，請 WhatsApp +852 2791 0806，我哋會盡快同你安排。
