藍天水上活動風景

藍天全新一年會籍

一個會籍
全年著數

全新年度會籍帶畀你租借優惠同更多玩水選擇。年費 $480,送2個租借代幣,仲有全年器材租借折扣、指定課程同旅程會員價。

舊有會籍會員?查看原有權益
SAI KUNG · SAI SHABLUE SKY ANNUAL MEMBERSHIP

會籍著數

下次落水,仲有著數

由自己落水練習,到約埋朋友出海,睇吓邊種會員優惠啱你。

01

送2個租借代幣

沙下同 GO PARK Aqua 都用得。兩個場地共用2個代幣,部分器材或時段需要用晒2個。

02

全年租借低至5折

會籍期內享器材租借會員價;每位會員每日限用會員價租1件器材。

03

課程、旅程會員價

指定常規課程同旅程有會員價,指定日子仲有活動優惠。課程及旅程優惠只限會員本人。

租借代幣點樣用

點用你嘅租借代幣?

會籍合共送2個租借代幣,可於以下兩個場地使用。雙人獨木舟可以由會員帶一位朋友同玩,同行者唔使額外畀租金。

01

沙下中心

器材時段所需代幣
單人獨木舟 / 休閒全能直立板全日1 個
雙人獨木舟全日2 個
02

GO PARK Aqua

器材時段所需代幣
單人獨木舟 / 休閒全能直立板半日1 個
單人獨木舟 / 休閒全能直立板全日2 個
雙人獨木舟半日2 個

GO PARK Aqua 雙人獨木舟全日租借不在所送2個代幣的涵蓋範圍。會員必須親自使用器材,代幣唔可以用嚟替其他人分開租器材。租借直立板須持有效初級證書。

兩位參加者坐喺獨木舟上SAI KUNG · SHA HA

12月指定日子優惠

獨木舟跳島+鹽田梓 BBQ

由沙下出發,途經羊洲同白沙洲,再登上鹽田梓享受私人場地 BBQ。6小時行程,器材、安全裝備、教練、燒烤用具同基本套餐都包埋。

2026年12月12、13、19及20日

會員價/位$360

原價 $680/位

一年會籍 $480,旅程會員價 $360/位。只限全新會籍會員本人。

查看旅程及網上報名

請先喺旅程產品頁提交預約表。已加入全新會籍嘅會員,請將預約編號 WhatsApp 畀職員,等我哋核實會籍同調整金額。請等收到更新金額同付款指示之後先畀錢。

6歲或以上;18歲以下須由家長或監護人陪同。實際路線會按天氣、潮汐及運作情況調整。

入會流程

入會,由 WhatsApp 開始

WhatsApp 搵職員入會
  1. 01

    聯絡職員

    WhatsApp 2791 0806,話畀我哋知你想新加入定續會轉用全新會籍。

  2. 02

    核實會員資料

    使用本人帳戶登記,職員會核實身份、會籍資料及適用日期。

  3. 03

    按指示完成付款

    申請入會或者續會,請跟從職員嘅付款指示。新會籍有效期由購買當日起計一年;續會嘅新一年由現有會籍到期之後開始。新代幣同會員優惠會喺交妥續會費用之後即時生效。

入會之前,了解清楚

常見問題

仲有問題?搵我哋傾吓
舊會員續會點計?未用嘅課堂點算?

續會嘅新一年由現有會籍到期之後開始,新代幣同優惠會喺交妥續會費後即時生效,代幣會喺續會後嘅會籍到期日失效。仍在有效期內、未轉用全新會籍嘅會員可以繼續享有原有常規會員價。提早續會參加全新年度會籍後,舊有未用完嘅課堂或旅程將按原有資格、條款及有效日期繼續保留使用,不會被取消、轉換為租借代幣或自動延期。你可以WhatsApp 聯絡我哋職員,查詢未用嘅課堂或旅程權益同埋原本嘅到期日。

點樣用代幣租器材,或者報名 BBQ?

代幣租借請 WhatsApp 職員安排。BBQ 旅程請照常填寫產品頁預約表;已加入全新會籍嘅會員,提交後將預約編號 WhatsApp 畀職員。我哋核實會籍後會調整為會員價,請等收到更新金額同付款指示先付款。

如果遇上惡劣天氣,代幣會點處理?

一般租借取消按現有租借取消政策處理。如果由藍天取消,包括天氣原因,職員會按個別情況確認代幣安排。請先聯絡我哋了解。

雙人獨木舟可以帶非會員朋友嗎?

可以。會員用2個代幣兌換指定雙人獨木舟租借時,可同一位朋友共用,同行者唔使額外畀租金;會員必須一齊使用。代幣不能用嚟替朋友另外租器材,課程及旅程會員價亦唔會延伸至非會員同行者。

入會前,睇清楚呢幾點

  • 年費 $480;會籍費用不設退款。新會員年期由購買日起計,提早續會年期由現有會籍到期後開始。
  • 會籍及優惠只限本人使用及不可轉讓;雙人獨木舟代幣租借可與一位同行者共用,按上述條件安排。
  • 2個租借代幣由購買/續會付款後啟用,於適用會籍到期日失效。部分租借需用2個代幣。
  • 器材租借會員價每日限1件;其他器材及非會員按適用正價收費,共用雙人獨木舟代幣租借的同行者除外。
  • 租借直立板須持有效初級證書;標準提供休閒全能板。指定課程、旅程及活動優惠以各活動適用日期及條款為準。
  • 本頁介紹全新一年會籍,與「智.划算」訂閱會籍不同。原有租借、課程及旅程取消政策維持不變。

WhatsApp 預約直立板或獨木舟 (僅限即日及翌日) 

0
藍天體育會